نێرینگەھا سووری یا مافێن مرۆڤی راگەھاند، چار میلیشیایێن حەشدا شەعبی یا ئیراقێ ل دەمێ بزاڤ کرین دەربازی سووریێ ببن، ل رۆژھەلاتێ وی وەلاتی ھاتن کوشتن.
نێرینگەھا سووری یا مافێن مرۆڤی راگەھاند، چار میلیشیایێن حەشدا شەعبی یا ئیراقی ژ ئالیێ فرۆکەیێن بێ فرۆکەڤان ل نێزیک باژارێ ئەلبوکەمال ل رۆژھەلاتێ پارێزگەھا دێرەزوورێ یا سووری بووینە ئارمانج.
شەڤا چارشەمبی ل سەر پێنجشەمبی، ھەژمارەکا بنگەھێن ھێزێن سوپایێ سووریێ و گرۆپێن سەر ب ئیرانێ ڤە ل باشوورێ سووریێ و دەردۆرێن دیمەشقا پایتەخت ژ ئالیێ فرۆکەیێن ئسرائیلێ ڤە ھاتن بۆمبەباران کرن.
چەندین رۆژێن بووری ئسرائیل چاڤدێریەکا چڕ ل لڤینێن میلیشیا و چەکدارێن ئالیگرێن ئیرانێ ل سووریێ دکەت و رۆژانە بۆمبەباران دکەن، سوپایێ ئسرائیلێ ژی تا نھا چ داخویانی ل سەر وان ھێرشان نەداینە یێن ئەو ل سەر ئالیگرێن ئیرانێ ل سووریێ دکەن.
