وەزارەتا ساخلەمییا حکومەتا ھەرێما کوردستانێ ئەڤرۆ رۆژا ھەینی ٨-١-٢٠٢١ ئامارێن ٢٤ دەمژمێرن بۆری یێن کۆرۆنایێ ل ھەرێما کوردستانێ بەلاڤکرن و ل گۆری ئامارێ ١٤٠ کەسێن دی تووشێ کۆرۆنایێ بووینە و پێنچ تووشبوویان ژی گیانێ خۆ ژ دەست دایە، ھەروەسا د وێ راگەھاندنا وەزارەتێ دا ھاتییە ژی کو دڤی ماوەی دا ٩٧٢ تووشبوویێن دی یێن کۆرۆنایێ چاکبووینەڤە.
ھەروەسا وەزارەتێ بەلاڤکریە کو د ٢٤ دەمژمێرێن بۆری دا وان ٤١٧٠ پشکنینێن کۆرۆنایێ ل سەرانسەرێ ھەرێما کوردستانێ ئەنجامداینە و ب تنێ ئەنجامێ پشکنینا ١٤٠ کەسان پۆزەتیڤ بوویە کو ١٨ ل ھەولێرێ، ١٨ ل سلێمانێ، ١٠٣ ل دھۆکێ و ئێک ژی ل گەرمییان بوویه.
ھەژی گۆتنێ یه ل دەستپێکا بەلاڤبوونا کۆرۆنایی و تاکو ئەڤرۆ ١٠٤ ھزار و ١٩٥ کەس ل ھەرێما کوردستانێ تووشێ ڤێ ڤایرۆسێ بووینە، ژ وێ ھژمارێ ژى ٣٤١٥ کەسان گیانێ خۆ ژ دەست داینە و ٧٨ ھزار و ٤٠ کەس ژی چاکبووینەڤە، ھەروەسا ٢٢ ھزار و ٧٤٠ تووشبوو ژی ل ژێر چارەسەرکرنێ دانە.
