بریاربوو ئەڤ شەڤە یارییا دناڤبەرا ھەردوو یانەیێن ئەتلەتیکۆ مەدرید و ئەتلەتیکۆ بلباو بھێتە ئەنجامدان، لێ ژ ئەگەرێ بارینا بەفرێ یارییا وان بۆ دەمەکێ نەدیار ھاتە پاشخستن.
ئەڤرۆ شەمبییێ، فیدراسیۆنا تەپا پێ یا ئیسپانی د بەیاننامەکێ دا دیارکرییە، ژ ئەگەرێ بارینا بەفرێ و تێکچوونا رەوشا سەقایێ و داخستنا فرۆکخانا مەدرید بۆ دەمەکێ؛ ب رازیبوونا رێڤەبەریێن ھەردوو یانان، یارییا ئەڤرۆ یا شەمبییێ یا د ناڤبەرا ھەردوو یانەیێن ئەتلەتیکۆ مەدرید و ئەتلەتیکۆ بلباو کو بریاربوو ل یاریگەھا واندا میترۆپۆلیتانۆ ل باژارێ مەدرید یا ئیسپانی بھێتە کرن، بۆ دەمەکێ نەدیار ھاتە پاشخستن.
یارییا ڤان ھەردوو یانەیان د چارچۆڤێ گەرا ھەژدێ یا خولا ئیسپانییە و ئەتلتیکۆ مەدرید ب کۆمکرنا ٣٨ خالان ل رێزا ئێکێ یا خولێ دھێت و ئەتلەتیکۆ بلباو ژی خودانا ٢١ خالانە و ل رێزا نەھێ یا خۆلێ یە.
