ل دووڤ خشتێ پرۆژە یاسایا سالا ٢٠٢١ێ یا ئیراقێ ئەو پشکا بۆ ھەرێمێ دیارکری زێدەترە ژ ١٣ تیلیۆن دیناران
خشتێ پرۆژێ بودجا سالا ٢٠٢١ێ د سۆشیال میدیایێ دا بەلاڤبوویە، و ئەڤرۆ پەرلەمانێ ئیراقێ دێ خواندنا ئێکێ بۆ پرۆژێ بۆدجا ئیراقێ کەت. دسەر وان تێبینیێن زۆر یێن پەرلەمانتاران ل سەر پرۆژ یاسایێ و ل دووڤ وی خشتێ ھاتییە بەلاڤکرن، پشکا ھەموو پارێزگەھێن ئیراقێ د چەند خالاندا روونکرییە بێی دیارکرنا پشکا پارێزگەھا کەرکوکێ، سەبارەت دیارنەکرنا پشکا پارێزگەھا کەرکوکێ د وی خشتەی دا ژی؛ ھەتا نوکە چ لایەنان روونکرن ل سەر وی بابەتی نەداینە و نزانن ژی ئەرێ ھەر ئەو خشتە دێ چیتە پەرلەمانی یان دێ گھۆرین ب سەر دا ھێت.
ل دووڤ وی خشتەی ژمارا ئاکنجیێن ئیراقێ ب ھەرێمێ ڤە پێکدھێت ژ ٤١ ملیۆن و ١٠٠ و ٩٠ ھزار و ٧٠٠ کەسان، بلندترین رێژە یا ئاکنجییان یا پارێزگەھا بەغدایە کو ٢١% و کێمترین ژی یا پارێزگەھا موسەننایە ب ٢% ژ خەلکێ ئیراقێ پێک دئینیت.
کوژمێ پارێ تەرخانکری بۆ پارێزگەھا بەغدا ژ ٣ ترلیۆن و ٧٤٣ ملیار و ٩٤١ ملیۆن و ٧٥٣ ھزار دینارێن ئیراقی پێکدھێت، ھەروەسا کوژمێ پارێ تەرخانکری بۆ ھەرێمێ ژ ١٣ ترلیۆن و ٩٠٤ ملیار و ١٢ ھزار ٤٥٢ دینارێن ئیراقی پێکدھێت.
