کورتە فلمێ Kingdom of Kurdistan ئانکو مەملەکەتا کوردستانێ، ژ دەرھێنانا دەرھێنەرێ گەنج و سینەماکارێ کورد گابار چۆلی یە، ئەف فلمە دبیتە شەشەمین بەرھەمێ سینەماکارێ ناڤبری کو ئاکنجییێ وەلاتێ کەنهدایە، د ڤی کورتە فلمی دا بەحسێ کومارا کوردستانێ دکە ت کو پشتی ھاتییە ژناڤبرن؛ ئێدی جھەک نامینت کورد تێدا بژین، نەچار دبن بەر ب ئەسمانی بچن و دناڤبەرا ھەسار و مەریخێ دا دژین، ل وی جھی زارۆیێن خوە پەروەردە دکەن و جار ب جار ژى سەرهدانا سەر عەردی ژى دکەن.
ھەر ھەمان فلمى دا ئاماژەکریە کو د سەردانێن خوە دا بۆ سەر عەردی بابەتێن سەرنجراکێشێن سەر عەردی و دەنگ و باسێن مرۆڤان ل سەر عەردی بۆ بەحسدکەن و چەندین بابەتێن دی یێن گرێدای وێ ژیانێ.
فلمێ Kingdom of Kurdistan ژلایێ ستافەکێ ئەکادیمیێ کەنهدی ڤە ھاتییە بەرھەم ئینان و ب ھەڤکارییا تیمەکێ سینەماکارێن کورد ژ وان ژى (شیرین جیھانی، ئاری عارف، سەربەست رەزا گەرمیانی، عیسا مێرەسوری، کوردستان بیدوخ، شڤان ئاکرەیی، سوفیان کورد) ھاتیە بەرھەم ئینان.
ھەر دڤی فلمی دا کومەکا ئەکتەران ژ نەتەوێن جودا جودا کو ئاکنجیێن کەنهدانە پشکداری تێدا کرینە و دو ئەکتەر کوردن ب ناڤێ (ئارینا عیسا، کیاڤەش)، دھێتە چاڤەرێکرن کو فلمێ ناڤبری پشکداری چەندین فیستەڤالان ببیت.
گابار چولی، دەرھێنەرێ فلمیێ ناڤبری ب کەسەکێ ئەکادیمی د بیاڤێ سینەمایێ دا دھێتە نیاسین و پەیوەندیێن باش ل گەل سینەماکارێن کەنهدا ھەنە، ههروهسا فلمێ kingdom of Kurdistan دبیتە شەشەمین بەرھەمێ سینەماکارێ ناڤبری.
خانی نیۆز، سالار محەمەد دۆسکی
