ل دووڤ راگەھاندنەکا وەزارەتا ناڤخۆیا ئیراقێ کو ئەڤرۆ شەمبی ٩-١-٢٠٢١ ھاتییە بەلاڤکرن، ئاماژە ب دەستەسەرکرنا گروپەکێ تاوانباران کرییە کو بازرگانی ب ئەندامێن لەشێ مرۆڤی کرینە.
د راگەھاندنا وەزارەتا ناڤخۆیا ئیراقێ دا ئەو گروپ ب مافییا ھاتینە ناڤکرن و ئاشکراکرییە کو وان ل بەغدایێ و چەند پارێزگەھێن دی یێن ئیراقێ تاوانێن مەزن ئەنجامداینە و دان ب تاوانا خوە کرینە.
وەزارەتا ناڤھاتی دیارکریە: ئەڤێ گروپێ ١٧ تاوانێن بازرگانیکرن ب ئەندامێن لەشێ مرۆڤی ئەنجامداینە، پتریا وان ژی ل پارێزگەھێن واست و بەغدا و ھندەک باژارێن دی بوویە.
سەرەرای ھندێ کو ل سالا ٢٠١٢ پەرلەمانێ ئیراقێ یاسایا نەھێلان و بەرھنگاربوونا تاوانێن بازرگانیکرنێ ب ئەندامێن لەشێ مرۆڤی دەرکریە، لێ ئەڤ جۆرێ تاوانێ د زێدەبوونێ دایە.
