ھەتا نوکە ٦٠٠ و ٩٤ خێزانێن ئاواران ڤەگەریاینە سەر مال و مولکێن خوە ل پارێزگەھا مووسلێ.
ئەڤرۆ شەمبیێ، وەزارەتا کۆچ و کۆچبەرێن ئیراقێ راگەھاندنەک بەلاڤکر و تێدا ھاتییە: ھەتا ڤی دەمی شەش سەد و نۆت و چار خێزانێن ئاوارە کو پێکھاتینە ژ سێ ھزار و ٢٦١ کەسان ژ کەمپا ”ئەلسەلامییە” یا سەر ب ناحیا نەمرود ڤە ل پارێزگەھا مووسلێ ڤەگەریاینە سەر مال و مولکێن خوە. وەزارەتێ گۆتییە ژی، ئەو ئاوارە ئاکنجیێن ناڤا باژێرێ مووسل و بەعاج و رەبیعە و زومار و گوندێن دیتر یێن مووسلێ بووینە.
ل دووڤ دووماھی ئامارێن نەتەوێن ئێکگرتی، دناڤبەرا سالێن ٢٠١٤ ھەتا سالا ٢٠١٧ـێ ژ ئەگەرێ شەری دژی تیرۆرستێن داعشێ، پتری شەش ملیۆن وەلاتیێن ئیراقی مال و مولکێن خوە ھێلا بوون و ئاوارە ببوون.
