ژ ئهگهرێ كێم بوونا مهترسییا ڤایرۆسێ كۆرۆنایێ و دیتنا ڤاكسینێ، بهایێ پهترۆلێ بلندبوو و گههشته ههمان ئاستێ ههیڤا ئادارا سالا بوورى.
ل گۆرهى ئاژانسێن ئابوورى، بهایێ پهترۆلێ بلندبوو و بهرمیلهكا خاڤا برێنت ل بازارێن جیهانێ ب 55 دۆلار و 99 سهنتان بازار پێ هاتهكرن، بهرمیلهكا خاڤا ئهمریكى ژی ب 52 دۆلار و 24 سهنتان هاتییه دیاركرن و بهراورد ب 7 مههێن بوورى گههشتییه بلندترین ئاست.
ئاژانسێن ئابووری دیار ژی كرییه، د دهمێ بوورى دا بهایێ پهترۆلا خاڤا برێنت ب رێژهیا 10% بلندبوو و پهترۆلا خاڤا ئهمریكى ژى ب رێژهیا 13% بلندبوویه.
بلندبوونا بهایێن پهترۆلێ پشتى وێ یهكێ هات، 20 نیسانا سالا بوورى بهایێ پهترۆلا خاڤا ئهمریكى بو جارا ئێكێ د مێژوویێ دا بۆ 37 دۆلاران دبن سفرێ دا داكهفتبوو و دیسان ل مهها ئادارا سالا بوورى دا بهایێ پهترۆلێ د بازارێن جیهانێ دا نزمترین ئاست پشتى سالا 2002 تۆماركر كو بهرمیلهكا پهترۆلا خاڤا برێنت ب كێمترى 25 دۆلاران بازار پێ هاتهكرن.
