ئەڤرۆ ئێکشەمبی، د نووترین خشتێ خوە دا، جڤاتا جیھانی یا زێری کو بارەگایێ وێ ل وەلاتێ بریتانیایە دیارکرییە، یەدەگێ بانکێن ناڤەندی یێن گەلەک وەلاتان ژ زێری بلند بووینە، ھەتا نوکە ئیراقێ پێگەھێ خوە ل سەر ئاستێ جیھانی پاراستییە و وەلاتێ ٣٨ یە بۆ یەدەگێ زێری ل سەر ئاستێ جیھانێ و وەلاتێ پێنجێ یە، ل سەر ئاستێ وەلاتێن عەرەبی.
ھەروەسا ئاشکرا کرییە، د کانوونا ئێکێ یا سالا ٢٠٢٠ێ دا، یەدەگێ بانکێن وەلاتێن جیھانی ژ زێری ب ٢٠ تەنان زێدە بوویە، و سەرجەمێ یەدەگێ زێرێ یێ بانکێن ناڤەندی یێن وەلاتێن جیھانێ گەھشتییە ٣٥ ھزار و ١٩١ تەنان.
جڤاتا جیھانی یا زێری گۆتییە ژی: ئیراقێ پتری ٩٦ تەنێن زێری ھەنە کو د بیاڤێ یەدەگێ زێری دا دبیتە وەلاتێ ٣٨ێ ل سەر ئاستێ جیھانێ.
