بەریا چوار رۆژان ل دەڤەرا کانی ماسێ و گوندێ (دەرگەلا موسا بەگێ) کەسەک ب ناڤێ (نزار سلێمان) یێ تەمەنێ وی نزیکی ۷۰ سالى ب سێ فیشەکان دناڤ مالا خۆ دا هاتەکوشتن، ئهڤرۆ ژى پۆلیسێن دهۆكێ گرتنا بكوژێن وى راگههاند.
مقهدم هێمن سلێمان بەرپرسێ راگەهاندنا پۆلیسێن دهوکێ راگەهاند: پشتی دووڤچونێن بەردەوام یێن هێزێن پولیسێن نەهێلانا گونەهبارییان، وان شیا بکوژێن وهلاتی (نزار سلێمان)ى دەستەسەربکەن کو هەڤژین و زاڤایێ وینە و لدووڤ بەندێ ٤۰٦ ژ یاسایێ سزادانێ دێ هێنە سزادان و دادگەهـ دێ بریارێ ل سەر دەت.
بەرپرسێ راگەهاندنا پولیسێن دهۆکێ ئەویەکژی دیارکر: ئەگەرێ کوشتنا (نزار سلێمان)ى ژى تنێ ژبەر هندێ بوو کو سامان و مالێ وی بۆ وان کەسان بمینیت و ل سەر خۆ دابەش بکەن .
خانى نیوز، سەعد عاسف
