وەزارەتا نافخۆیا ئیراقێ راگەھاند: وان بەرپرسەکێ داعشێ ل سنورێ پارێزگەھا کەرکوکێ دەستەسەرکر. ئاماژە ب وێ چەندێ ژی دایە کو ب رێکا دانپێدانا ئێک ژ دەستەسەرکریێن داعشێ وان شییایە پێزانینان سەبارەت ڤی ئەندامی ب دەست بێخن.
ئەڤرۆ ئێکشەمبی ١٠ێ کانوونا دووێ ٢٠٢١ێ وەزارەتا نافخۆیا ئیراقێ ل مالپەرێ خۆیێ فەرمی بەلاڤکرییە، ئەو شیاینە ئەندامەکێ دی یێ داعشێ دەستەسەربکەن، کو نازناڤێ وی (ئەبۆ ئەنەس) بوو و بەرپرسیارەتییا وی ژی ل یەکەیا (اشبال الخلافە) یا وێ رێکخراوا تیرۆرستی بوو.
سەرەرای ب دووماھیک ھاتنا داعشێ ل ئیراقێ، لێ شانێن نڤستی یێن داعشێ ل باشۆر و ناڤەراستا ئیراقێ سەرھلدایەڤە و چالاکیێن ھەمەجۆر ئەنجام ددەن.
