وەزارەتا خواندنا بلند و ڤەکۆلینێن زانستی ب رێکا لێژنەکا بلند کاردکەت بۆ نڤێسینا سیاسەت و رێنمایێن بجھئینانا بۆلۆنیا پرۆسێس کو بەرنامێ وێ یێ خواندنێ ل زانکۆیێن کوردستانێ بھێتە ئەنجامدان.
و د ڤی چوارچوڤەی دا و ب سەرپەرشتییا ئارام محەممەد قادر، وەزیرێ خوێندنا بلند و ڤەکۆلینێن زانستی ب ئامادەبوونا ھاریکارێ سەرۆکێ زانکۆیان ئەڤرۆ ئێکشەمبی ١-١٠-٢٠٢١ێ ل دیوانا وەزارەتێ کۆمبوون، و د کۆمبوونێ دا راگەھاند: بۆلۆنیا پرۆسێس ئەگەرەکێ گرنگە بۆ گەشەپێدانا پرۆسێسا خواندنێ ل زانکۆیێن مە و د گەلەک بیاڤێن گرنگ دا خزمەت ب گەشەپێدانا کەرتێ خواندنا بلند دکەت، ب تایبەت رێکخستنا چوارچووڤێ باوەرنامان و پرۆسێسا خواندنێ و ستاندارکرنا ئاست و کوالێتییا ئەوێ باوەرنامێ کو ل زانکۆیێن مە دا د دەن.
ھەروەسا دکۆمبونێ دا ھاتییە گۆتن ژی: ب رێکا بۆلۆنیا پرۆسێس دێ زانکۆیێن مە ژ رەھەندێن لۆکالی بەرەڤ دەرگەھێن نیڤدەولەتی ڤە چن، ھەروەسا ئەگەر ئەم بچینە د ناڤ ڤێ پرۆسێسێدا ئەم پێدڤی ب وەبەرھێنانا زێدەتر دبین بۆ مەرەما گەشەپێدانا ژێرخان و شیانێن مرۆڤی ل زانکویێن مە، بۆ ھندێ ژی داکو ئەم زێدەتر خۆ بەرھەڤکەین.
وەزیرێ خواندنا بلند گۆت ژی: جھێ خۆشحالیێ یە کو ئێکەتییا ئەوروپا پشتەڤانییا بجھئینانا بۆلۆنیا پرۆسێس ل ھەرێما کوردستانێ دکەت و د ڤی چوارچوڤەی دا ئەڤ سالە ئێکەتییا ئەوروپا (ئیراسمەس پلەس) بۆ پشتەڤانیا جێبەجێکرنا بۆلۆنیا پرۆسێس ب دەستڤەئینایە.
و ژلایێ خۆڤە ژی ھەر ئێک ژ شیرەتکارێ وەزارەتێ و سەرۆکێ دەزگەھێ سەرپەرشت و ھاریکارێ سەرۆکێ زانکۆیان، ھەلسەنگاندنەکا پێدڤی بۆ کارێن لێژنا بلندا نڤێسینا سیاسەت و ئامارێن بجھئینانا بۆلۆنیا پرۆسێس و گەشەکرنا بەرنامێن خواندنێ ل زانکۆیێن کوردستانێ کر، بۆ ڤێ چەندێ ژی بریاردا ئامادەکاریێن پێدڤی بھێنەکرن ب مەرەما ئەنجامدانا کۆنفرانسەکێ زانستی د ناڤبەرا زانکۆیان دا دەربارەی بۆلۆنیا پرۆسێس و ئەنجامدانا پێکگوھارتنێن زانستی د ناڤ زانکۆیان دا بۆ دەولەمەندکرنا تێگەھشتنێ دەربارەیی جێبەجێکرنا ڤێ پرۆسێسێ.
