گەلیێ بازێ یێ سەر بدەڤەرا بەرواری بالا ڤه ئه‌ڤرۆ سات 11:35 یێ سپێدێ ژ ئالیێ فرۆکه‌یێن سەر ب سوپایێ تورکیا ڤە هات بۆمبەبارانكرن.
شاهد حالێن گوندێ بازێ ل ده‌ڤه‌را به‌رواری بالا بۆ خانی نیوز دیاركرن، گه‌لیێ بازێ كو د كه‌ڤیته پشتا گوندی ئەڤرۆ رۆژا سێشه‌مبیێ ژ ئالیێ فرۆكه‌یێن سوپایێ توركیا ڤه هات بۆمبەبارانکرن ، خویا ژی كرینه: بۆمبەبارانکرنێ زیانێن گیانی نەبوینە لێ ترسه‌كا مه‌زن و دو دلی ل نك ئاكنجیێن گوندی په‌یداكرییه.
سوپایێ توركیا د سالا بووری دا هه‌ژماره‌كا مه‌زن یا گوند و جهێن هه‌رێما كوردستانێ بۆمبه‌بارانكرن و وێ یه‌كێ ترسه‌كا مه‌زن ل نك وه‌لاتییان په‌یداكرییه و هه‌ژماره‌كا وان گوندێن خوه بجهـ هێلاینه.
خانی نیوز، ئەحمەد ئەدنی
