د چهند رۆژێن بۆرى دا شهپۆلهكا بهفربارێنێ وهلاتێ ئیسپانیا ڤهگرتییه، ب تایبهت ل مهدریدا پایتهخت و دهڤهرێن سنورى یێن كاستیالا – لامانچاى و ب ئهگهرێ ڤێ یهكێ ژى 4 كهسان گیانێ خۆ ژ دهستدایه.
ئاژانسا نشتیمانى یا كهش و ههوایێ یا ئیسپانیا راگههاند: بۆ دهما 50 سالانه شهپۆلین بهفربارینا وهها ب هێز نهبارییه، كو ل باژارێن مهدرید و دهوروبهرێ وێ 50 سهنتیمان بهفر بارییه.
پۆلیسێن ئیسپانیا دهربارهى روودانێن ڤان رۆژان راگههاند: ژ ئهگهرێ بارینا بهفرهكا زۆر تا نها 4 كهسان گیانێ خۆ ژ دهست دایه كو بریتینه ژ دوو ههڤژینان ب ترۆمبێلێن خۆڤه ل دهڤهرێن ئهندهلۆسیا دناڤ شهپۆلهكا ب هێز یا بهفربارینێ دا گیانێ خۆ ژ دهست داینه، ههورهسا زهلامهكێ 54 سالى كو تهرمێ وى ل ژێر بهفرێ هاتییه دیتن و زهلامهكێ دى ژى ل دهڤهرا زاراگۆزا ب ئهگهرێ سهرمایێ گیانێ خۆ ژ دهستدایه.
بهفرینا بارینا ڤان رۆژان گهشتێن ئاسمانى و لڤینێن شهمهندهفهران و یارییا تهپا پێ یا خولا ناڤخۆیی یا ئیسپانیایێ ژى راگرتن، ههروهسا ب هزاران كهس ژى ب ئهگهرێ زۆریا بهفرێ د ناڤا ترۆمبێلێن خۆ دا ئاسێ ماینه.
