پرتووکا بیبلیۆگرافیا پرتووکێن فولکلوری ل دەڤەرا بەھدینان ژ سالا ١٩٧٢ – ٢٠٢٠ێ، داوی بەرھەمێ ڤەکۆلەر و نڤیسکار جەمیل محەمەد شێلازی یە، کو نھا د قۆناغا بەرھەڤکرنێ دا یە و ھەتا نھا بەرھەمێن ٩٧ بەرھەڤکاران دگەل ٣٠ پرتووکێن فولکلوری یێن ژ زمانێن بیانی ھاتینە وەرگێڕان و ژ پیتێن لاتینی ھاتینە ڤەگۆھاستن ھاتینە کۆمکرن و بەرھەڤکرن، ل دویڤ رێزبەندییا ئێکەم بەرھەمێ نڤیسکاری پەرتووک ھاتییە بەرھەڤکرن، ناڤێ بەرھەڤکاری و پرتووکێ دگەل زانیاریێن وێ و کورتیەک ژ ناڤەڕۆکێ و دگەل وێنێ بەرگی دھێنە بەرھەڤکرن.
جەمیل شێلازی ل دۆر گرنگیا ڤێ پرتووکێ دیار کر، ئەو پرتووک دێ بیتە بیبلیۆگرافییەکا ٥٠ سالی یا پرتووکا فولکلوری ل دەڤەرا بەھدینان، کارێ لسەر بەردەوامە بۆ کۆمکرنا ھەموو داتا و زانیارییان ل سەر پرتووکێن فولکلوری ل دەڤەرا بەھدینان، ل دەمەکێ نێزیک دێ بەرھەڤکرنا وێ ب داوی ھێت و بۆ چاپکرنێ ھێتە رەوانەکرن.
خانی نیوز، سامی رێکانی
ئامێدیێ.. بیبلیۆگرافیا پرتووکێن فولکلوری دھێتە بەرھەڤکرن
