ئەڤ جورێ مرۆڤان كه‌یفخوشترن

هەندێک کەس د ژیانا خۆ یا رۆژانه ‌دا هه‌می ده‌ما به‌خته‌وه‌ر و كه‌یفخۆشن به‌روڤاژى هنده‌ك كه‌سێن دى‌ د ژیانا خۆ دا به‌رده‌وام دلته‌نگ و ره‌شبینن، بێگومان هنده‌ك ئه‌گه‌رێن ده‌روونى و ژ ده‌رڤه،‌ ڤى حاله‌تى دناڤخۆیێ مرۆڤی دا په‌یدا دكه‌ن.

ب بۆچوونا دەرووناس و نوژداران، مێشکێ چ مرۆڤان حه‌ز ‌ژ به‌تالیێ ناكه‌ن، ده‌مێ مروڤى رۆژانه‌ چالاكیێن زۆر هه‌بن و كاربكه‌ن، مێشك ب شێوه‌كێ سروشتى هۆرمونێ دوپامین، ئانكو هۆرمۆنێ كه‌یفخوشیێ دروست دكه‌ت و دكه‌ته‌ دیاری بۆ مرۆڤى. ئانكو کار و چالاکی دبیته‌ ئه‌گه‌رێ دلخۆشیێ و بێکاری و نه‌بوونا چالاکیێن رۆژانە دلته‌نگى و ره‌شبینیێ په‌یدادكه‌ت، ئه‌ڤێ یه‌كێ ژى کارتێكرنا خۆ ل سه‌ر خولكێ مرۆڤان هه‌یه‌.