جێگرێ سەرۆكێ حكومەتا ھەرێما كوردستانێ تووشی كۆرۆنایێ بوو.
قوباد تالەبانی، جێگرێ سەرۆكێ حكومەتا ھەرێما كوردستانێ راگههاند: پشتى پشكنین بۆ وى هاتینه كرن وهسا دیاربوو كو ھەلگرێ ڤایرۆسێ كۆرۆنایێ یه، پێدڤییه دهمهكى خوه كهرنتى بكهت، هیڤیا سەلامەتیێ بۆ ھەموویان ژى خواست و داخوازا بەردەوام یا خوهپاراستنێ ژ وهلاتییان كر..
جێگرێ سەرۆکوەزیرێن هەرێما کوردستانێ داوى پشكدارى د کۆمبوونا پەرلەمانێ کوردستانێ دا ل رۆژا 28-12-2020 كربوو و د كۆمبوونا جڤاتا وەزیران دا کو رۆژا 06-01-2021 پشكدارى نهكربوو .
ههژمارا تووشبوویێن کۆرۆنایێ ل هەرێما کوردستانێ دگهل ههیڤێن بوورى گهلهك كێمبوویه، تووشبوویێن کۆرۆنایێ ل هەرێما کوردستانێ گەهشتنە 104 هزار و 402 کەسان، 80 هزار کەس چارهسهربووینه و 3 هزار و 424 کەس گیانێن خوه ژ دەستداینه.
