حکومەتا هەرێمێ دێ دو بریارێن گرنگ ده‌ت

جڤاتا وەزیرێن هەرێما کوردستانێ دێ سوبه‌ بریارێ ل دۆر به‌لاڤكرنا مووچەیێن فەرمانبەران و پرۆسەیا خواندنێ ده‌ت.

جڤاتا وه‌زیران ب سەرۆکایەتیا مەسرور بارزانی سوبه‌ رۆژا چارشه‌مبێ دێ كۆم بیت و بریارێ ل دۆر به‌لاڤكرنا مووچەیێن فەرمانبەرێن هەرێمێ ده‌ت و ژڤانێ به‌لاڤكرنێ و رێژەیا ژێ برینێ ب فەرمی ده‌ستنیشان كه‌ت.

هه‌روه‌سا جڤاتا وەزیران ل سەر بناغێ راپۆرتێن وەزارەتا ساخله‌مى و پەروەردە و لیژنەیێن تایبەتمەند، دێ بریارێ ل دۆر پرۆسەیا خواندنێ یان درێژكرنا وێ دەت.

رێباز حەملان، شیره‌تكارێ سەرۆکێ حکومەتێ دوهى راگەهاندبوو، ل 15ێ ڤێ مه‌هێ دێ دەست ب به‌لاڤكرنا مووچەیێن فەرمانبەرێن هەرێما کوردستان كه‌ن.