د ھەوێن بەردەوام یێن لێگەریانا پاشماوێن فرۆکا ئەندنۆسی دا، پارچێن لەشێ ھژمارەکا گەشتیاران و ھندەک پارچێن فرۆکێ ھاتنە دیتن.
ل روژا شەمبی یا بووری، فرۆکەیەکا جورێ بۆینگ ٧٣٧ پشتی چەند خولەکەکێن کێم ژ بلندبوونێ ل فرۆکخانا جاکارتا ب ٦٢ گەشتیاران ڤە دیارنەما، د دووڤ دا وەزیرێ ڤەگوھاستنێ راگەھاند ئەو فرۆکە کەفتییە ناڤ دەریای.
حکومەتا ئەندنۆسیا د لێگەریانێ دا بەردەوامە و تا نھا چەند تەرمەک و چەند پارچەکێن فرۆکێ ھاتینە دیتن، لێ چ ئاماژە نینن چ کەس ژ وان گەشتیاران ب ساخی مابیت.
زێدەتری ١٠ ھەلیکۆپتەر و ٥٣ کەشتیێن ھێزا دەریایی و ٢٠ بەلەم و ٣ ھزار و ٦٠٠ کارمەند د پرۆسا لێگەریانێ دا بەردەوامن.
باگۆس پوروھیتۆ، سەرۆکێ ئاژانسا نشتیمانی یا لێگەریان و ھەوارچوونێ بۆ میدیایان راگەھاند، وان پارچێن تەرمێ ٢٣ کەسێن دی دیتینە و تا نھا پارچێن لەشێ ٤٠ ژ گەشتیارێن وێ فرۆکێ ھاتینەدیتن. ئۆپەراسیۆنا لێگەریانێ یا بەردەوامە و ئەو داخازا ھاریکاریێ ژ خەلکێ خوە دکەن.
تا نھا بەرپرسێن ئەندنۆسیا ئەگەرێ کەفتنا وێ فرۆکێ ئاشکەرانەکرییە.
