<h1 style="text-align: center;">ڕێڤهبهرییا گشتییا حەج و عومرێ ل ههرێما کوردستانێ ڕوونكرنهك ل دۆر بابەتێ حهجكرنێ ل شوینا كهسهكی بهلاڤكر و دیاركر، چ بنەمایەکێ ڕاست و دروست بۆ ڤی بابهتی نینە و دڤێت وهلاتی ئاگەهداربن، دا نەبنە قوربانییێن فێلکرنێ. کاروان ستوونی، پەیڤدارێ ڕێڤهبهرییا گشتییا حەج و عومرێ ل ههرێما کوردستانێ بۆ ئاژانسا خانی ڕاگەهاند، ل ڤێ دووماهییێ هندەك دهزگههێن ڕاگههاندنێ و تۆرێن جڤاكی ڕیکلامان بۆ ئەنجامدانا حەجێ ل شوینا مرییان یان کەسێن پەککەڤتتی دکەن، لەوڕا پێدڤییە خەلك ژ ڤان جۆرە ڕیکلامان دویربکەڤن، ژبهركو چ گرەنتی تێدا نینە و ئەو گۆتنێن دبێژن قوتابی یان کەسێن بیانی ل وێرێ ب پارەیهکێ کێم ڤی کاری دکەن چ ڕاستی بۆ نینن. پەیڤدارێ ڕێڤهبهرییا حەج و عومرێ ل ههرێما دیاركر، وەلاتێ سعوودییێ ڕێکارێن حەجا ئەڤسالە گەلەك توندکرینە و سزایێن گران بۆ هەر کەسەکێ نەقانوونی داناینە، ئەوا دهێتە گۆتن کو ب 400 دۆلاران بەدەل حەج دهێتە ئەنجامدان یا دویرە ژ ڕاستییێ، ژبهركو ب تنێ وهرگرتنا مۆلهتا قانوونی ل سعوودییێ پتره ژ سێ هزار دۆلاران. ڕێڤهبهرییا گشتییا حەج و عومرێ ل ههرێمێ داخواز ژ دەزگەهێن ڕاگەهاندنێ کر، ڕیکلامان بۆ ڤی کاری نەکەن و هەر کۆمپانییا ڤی کاری بکەت دێ ڕێکارێن قانوونی دگهل هێنهكرن، هەروەسا هەر کەسەکێ سكالا یان پسیارەك هەبیت دشێت ب ڕێیا واتساپی و ب ڤێ ژمارەیێ 07505953534 پەیوەندییێ بکەت.</h1>
