یانا بارسێلۆنا یا ئسپانی ناڤێن چار بەربژاران ژ بۆ سەرۆکاتیا وێ یانێ و بۆ دەنگدانا دووماھیێ ئاشکرا کرن.
یانا کەتەلۆنی ئاشکرا کرییە، ھەلبژارتنێن سەرۆکاتیا وێ یانێ دێ ل رۆژا ٢٤ ڤێ ھەیڤێ ھێنە ئەنجامدان و دێ سەرۆکەکێ نوو بۆ وێ یانی ھێتە دانان.
مالپەرێ فەرمی یێ بارسێلۆنا راگەھاندییە، کو چار بەربژارێن سەرۆکاتییێ دەنگێن پێدڤی کو دگەھنە دو ھزار و ٢٥٧ دەنگان، ب دەست خوەڤە ئیناینە و ھەر چار بەربژار ژی دێ ل رۆژا ٢٤ ڤێ ھەیڤێ ھەڤرکییێ ل سەر ب دەستڤەئینانا سەرۆکاتییا وێ یانێ کەن.
ھەروەسا ئاشکرا کرییە، ل رێزا ئێکێ خوان لاپۆرتا ب ١٠ ھزار و ٢٧٢ دەنگان ھاتییە، ڤیکتۆر فۆنت ب چار ھزار و ٧١٣ دەنگان ل رێزا دویێ ھاتیە، دیسان ھەر ئێک ژ تۆنی فریکسا و ئیمیلی رۆساود ژی دەنگێن پێدڤی ب دەستڤە ئیناینە و گەھشتینە دەنگدانا دووماھیێ.
