شانا میدیایا ئەمنیا ئیراقێ ئەڤرۆ سێشەمبی بەلاڤکرییە، کو فرۆکێن ھەڤپەیمانێن نیڤ دەولەتیێن دژی داعشێ دوو گورزێن ئاسمانی ل وان چەکدارێن داعشێ وەشاندینە کو ل دەوروبەرێن کەرکوکێ خۆ ڤەشارتبوون.
د راگەھاندنەکێ دا وێ شانێ روونکرییە کو ب فەرمانا فەرماندەیێ ئوپەراسیۆنا ھەڤپشک، فرۆکێن ھەڤپەیمانێن نیڤ دەولەتی دوو گورزێن ئاسمانی وەشاندینە مولکێن داعشان ل (وادی شای) ل سنورێ پارێزگەھا کەرکوکێ، ئەڤە ژی بوویە ئەگەرێ کوشتنا ٧ چەکدارێن داعشێ و ژناڤبرنا تونێلەکا داعشێ کو درێژاھیا وێ دگەھشتە ١٠ مەتران.
