مامێ ھونەرمەندێ ئیراقێ یێ ب ناڤودەنگ کازم ساھری راگەھاند، ھونەرمەند کازم ساھر پشکەک ژ ئەندامێن مالباتا خوە نانیاسیت.
حجی کازم یێ دبیتە مامێ ھونەرمەندێ بەرنیاس یێ ئیراقی کازم ساھر د دیدارەکێ دا بۆ خانی نیوز راگەھاند، ژ ئێک ڤەقەتیانا مالباتا وان و ژێک دووربوونا وان بوویە ئەگەر کو تا نھا ھەڤ نەنیاسن.
حجی کازم ھیڤی خواستن ژبلی کو کازم ساھر ھونەرمەندەکێ بەرنیاسە وەکو ئێک ژ ئەندامێن مالباتا وان ھەڤدو بنیاسین و ب دیتنا ھەڤ شادببن.
مامێ کازم ساھری دیار ژی کر، پتر ژ 25 سالانە ئەو دزانیت کو کازم برازایێ وى یە لێ ژ بەر ھەژاریێ و خرابیا بارێ دارایی یا وان کو کاسبکارە و ل کۆمەلگەھا چرەی دژیت، نەشیایە وەکو پێدڤی بزاڤان بکەت بگەھیتە کازم ساھری و راستیان بۆ دیار بکەت.
حجی کازم ل سالا 1954 ل گوندێ فازلیە یا سەر ب ناوچەداریا باشیکێ ڤە ژ دایکبوویە و پتر ژ 26 سالانە ل کۆمەلگەھا چرەی دژیت.
خانى نیوز، قەحتان عەدنان
