بۆ جارا ئێکی ئەناناس ل ئەمریکا باشور ھاتییە دیتن، پاشی ل دەڤەرێن گەرم یێن وەکی ئەفریقیا و وان دارستانێن دکەڤنە ھێلا کەمەری ھاتییە چاندن، چونکی ڤی فێقی پێدڤی ب گەرما شەڤ و رۆژان ھەیە.
ئەڤ فێقییە یێ زەنگینە ب ڤیتامین “ ئەی، بی٦، سی”، ھەروەسا ٧٠% ژ پێکھاتا وێ ئاڤە، ٢٠% شەکرە، گەلەک ژ خوێ یێن کانزایی وەک سۆدیۆم، کالسیۆم، مەگنیزیۆم تێدا ھەنە.
ئەناناس بۆ دابەزاندنا کێشا لەشی یا ھاریکارە، چونکی ھەستا تێربوونێ ل دەڤ مرۆڤی پەیدا دکەت و یا ھاریکارە بۆ سۆتنا خانیێن کۆلسترۆلی، ھەروەسا تێھنیبوونێ ل دەڤ مرۆڤی ناھێلیت، ب تایبەتی د وەرزێ ھاڤینێ دا، لەشێ مرۆڤی ژ ھەر ژەھراویبوونەکێ دپارێزیت و دبیتە ئەگەرێ بھێزبوونا بەرگریا لەشی. دیسان ئەناناس یا زەنگینە ب ریشالان، ئەڤە ژی ھاریکارە بۆ باشکرنا کریارا ھێرانێ.
ل گۆر ڤەکۆلینان ژبەر زەنگینیا ئەناناسێ ب ڤیتامین سی سەروچاڤان جوان و روھن دکەت و یا ھاریکارە بۆ باشترکرنا زڤرینا خوینێ د لەشی دا، ھەروەسا ئۆکسجینێ د ناڤ خوینێ دا زێدە دکەت.
