ل دەسپێکا سالا 2021 لێژنا موەلیدەیان ل دھۆکێ بریاردا کو ل دەمژمێر ٠٢:٠٠ شەڤێ ھەتا ٠٧:٠٠ سپێدێ کارەبا موەلیدەی بھێـتەبرین، لێ ئەڤی بریارێ ئاریشە بۆ وان تووشبوویێن کۆرۆنایێ دروستکریە کو ل مال چارەسەریێ وەردگرن.
نه‌سیبا یاسین، کچا ئێک ژ تووشبوویێن کۆرۆنایێ ل دھۆکێ بۆ خانی نیوز راگەھاند، بابێ وێ ل مال چارەسەریا کۆرۆنایێ وەردگریت و ئامیرێ ئۆکسجینا بابێ وێ ب رێکا کارەبێ یە، دەما ل دەمژمێر 2.00یێ شه‌ڤێ کارەبا موەلیدەی دھێتەبرین، ئاریشەیا ھەبوونا ئۆکسجینی بۆ بابێ وێ دروست دبیت.
گۆت ژی: رێژەیا ئۆکسجینا بابێ وێ 63% یە و بریارا برینا کارەبێ بۆ دەما 5 دەمژمێران رەوشا وی ئالۆزکرییە، ئەو دخوازن چارەسەریەکێ بۆ وان نەخۆشان ببینن کو ئامیرێ ئۆکسجینێ ل مال دانایە.
