رێڤەبەرێ ئەندازیاریا پارکان ل دھۆکێ دیارکر کو سالانە نێزیکی 350 ھزار گولێن وەرزێ بھارێ و ھاڤینێ ل پارک و ناڤەندێن جادان ل ناڤا باژارێ دهۆكێ دھێنە چاندن، لێ ژبەر کاودانێن ب سەر ھەرێما کوردستانێ دا ھاتین ئەڤسالە وان چو پرۆژێن دی نەبوون.
ئەندازیار ھۆگر ئیسلام مستەفا، رێڤەبەرێ ئەندازیاریا پارکان ل دھۆکێ بۆ خانی نیوز گۆت: سالانە نێزیکی 350 ھزار گولێن وەرزێ ھاڤینی و بھارێ ل پارک و ناڤەندێن جادان دچینین و ژبلی گولێن ھەردەم کەسک کو ئەو ژی دبنە 50 ھزار، هه‌موو ژى ژ بەرھەمێ وانه، ستافەکێ تایبەت ژى ھەیە ژ بۆ چاندنا قەلەما و چاندنا تۆڤى و خوە بەرھەڤدکەن ژبۆ وەرزێ چاندنێ، لێ ئەڤسالە ژبه‌ر قەیرانا دارایی و ڤایرۆسێ کۆرۆنایێ گەلەک کارتێکرن ل کارێ وان کر، ژلایێ بودجێ ڤە چو پرۆژە نەبوون و ل وێ ھیڤیێ نە بودجەک بۆ وان بھێتە تەرخانکرن.
ھۆگر ئیسلام گۆت ژى: نوکە ئەو مژوولی چاندنا گولێن وەرزی نە ژ دەستپێکا ھەیڤا یازدە دەستپێکریە ھەتا کو بەری چلێ زڤستانێ دێ ئەڤ ھەوە ب دووماھی ھێت، ھەروەسا دەست ب کەزاختنا داران کریە، ژبه‌ركو گەلەک جورێن داران ھەنە بەلگێن خوە دوەرینن، لەورا ئه‌و دارێن چه‌قێن وان زێده کەزاختینه لێ وەرزێ بھاری چەق و بەلگێن جوانتر دەن.
خانی نیوز، ھەرھین محەمەد:
