كه‌سه‌ك ل بریتانیایێ ڤه‌گه‌ریایه دهۆكێ و گومان دهێته‌كرن هه‌لگرێ ڤایرۆسێ كۆرۆنایا نوو بیت، د. ئه‌فراسیاب موسا رێڤه‌به‌رێ گشتیێ ساخله‌مییا دهۆكێ بۆ هنده‌ك ژ مه‌دیایێن كوردى ئه‌ڤ نووچه‌یه پشت راستكریه و راگه‌هاندییه: وان حاله‌ته‌كێ گۆمانلێكریێ كۆرۆنایا نوو ده‌ستنیشانكریه و نوكه د كه‌رنتینێ دایه.
رێڤه‌به‌رێ گشتیێ ساخله‌مییا دهۆكێ ئه‌و یه‌ك ژى گۆتییه، كه‌سێن كو به‌ركه‌فتن ل گه‌ل وى زه‌لامى هه‌ى هاتینه كه‌ره‌نتینه‌كرن.
د ئه‌فراسیاب ده‌رباره‌ى ئه‌نجامێ، پشكنینا وى زه‌لامى راگه‌هاندییه: وان هه‌موو پشكنین بۆ كرینه و نها چاڤه‌رێی ئه‌نجامێن پشكنینان دكه‌ن.
ناڤهاتى راگه‌هاندییه ژى: زه‌لامێ گومانلێكرى خه‌لكێ دهۆكێ یه و ژ وه‌لاتێ بریتانیا ڤه‌گه‌ریایه و ئه‌و و كه‌سێن به‌ركه‌فتن ل گه‌ل وى هه‌ى ل ژێر كۆنترۆلا وان دانه.
