د کۆنگرەیەکێ رۆژنامەڤانی دا، جۆتیار عادل پەیڤدارێ حکومەتا ھەرێما کوردستانێ دەربارەی کۆمبوونا ئەڤرۆ یا جڤاتا وەزیران راگەھاند، د کۆمبوونێ دا سێ برگەیێن سەرەکی و گرنگ ھاتنە بەحسکرن و زانیاری دەربارەیی دەمێ دەستپێکرنا پرۆسێسا خوێندنێ ژی ئاشکراکر.
پەیڤدارێ حکومەتێ گۆت ژی: د کۆمبوونێ دا راپۆرتا لێژنا بلندا ئابووری ل ھەرێما کوردستانێ ل سەر پرۆژێ بودجا سالا ٢٠٢١ێ ھاتە بەحسکرن. دیارکر ژی: ئامادەکاری دھێنەکرن بۆ دابینکرنا مووچێ فەرمانبەران و ل ڤان نێزیکان دەم و رێژا مووچەی دێ راگەھینین.
سەبارەت دەواما خواندنێ ل قوتابخانان، جۆتیار عادلی دوپاتکر کو رۆژا شەمبی ١٦ ڤێ ھەیڤێ خواندنا قوناغا ١٢ێ ئامادەیی دێ دەستپێکەت، بۆ قوناغێن دی ژی خواندن ل ١ێ ٣ێ یا ئەڤ سالە دێ دەست پێکەت.
