ئێدی لۆکا یۆڤیچی نەڤێت ل سەر کورسیی یەدەگ روونیتە خوار و ل ڤی وەرزی دێ رێزێن یانا شاھانە بجھـ ھێلیت و دێ چیتە یانەکا دیتر داکو بشێت ب رەنگەکێ زێدەتر پشکداریێ د یارییان دا بکەت.
سکای سپۆرتس، د نووترین نووچە دا ل سەر زارێ (فیردی بۆیتچ) رێڤەبەرێ یانا فڕانکفۆرت یا ئەلمانی ئاماژە ب ھندێ دایە، کو یانا فرانکفۆرت و ریال مەدرید رێککەفتینە بۆ ھندێ یۆڤیچ ل ڤێ زڤستانێ ب شێوێ خواستن ھەتا دووماھییا ڤی وەرزی بدەتە وێ یانێ، رێڤەبەرێ وێ یانا ئەلمانی گۆتییە ژی: ئەڤ گرێبەستە گەھشتییە قۆناغا دووماھییێ.
یۆڤیچ ل ھاڤینا ٢٠١٩ بەرامبەر ٦٠ ملیۆن یۆرۆیان ژ یانا فرانکفۆرت یا ئەلمانی پەیوەندی ب یانا ریال مەدرید یا ئیسپانی کربوو.
