ئیدارا سه‌رۆكێ ئه‌مریكا به‌رپرسه‌كێ بلند یێ حه‌شدا شه‌عبى یا ئیراقى ب تیرۆرستێ جیهانى ب ناڤكر.
ئیدارا دۆنالد ترامپى، سه‌رۆكێ ئه‌مریكا، دوهى رۆژا چارشه‌مبى، عه‌بدولعه‌زیز ملووح مه‌حمه‌داوى یێ به‌رنیاس ب ئه‌بۆ فه‌ده‌ك، ئه‌میندارێ گشتى یێ پێشتر یێ حزبوللا یا ئیراقى ب تیرۆرستێ جیهانى ب ناڤكر.
وه‌زاره‌تا ده‌رڤه یا ئه‌مریكا مه‌حمه‌داوى ب وێ یه‌كێ تۆمه‌تبار كر كو دگه‌ل فه‌یله‌قا قودس یا سوپایێ پاسدارێن ئیرانێ مژوولى رێكخستنا ده‌زگه‌هێن ئه‌منى یێن ئیراقێ یه دوور ژ ئارمانجا سه‌ره‌كى كو پاراستنا به‌رژه‌وه‌ندى و به‌رگریكرن ژ ده‌وله‌تا ئیراقێ یه، به‌لكو بۆ پشته‌ڤانییا چالاكییێن ئیرانێ یه و به‌رگریكرنا رژێما ئه‌سه‌دى یه ل سووریێ.
د یاداشتا وه‌زاره‌تا ده‌رڤه یا ئه‌مریكا دا هاتییه، ئه‌ڤ پێنگاڤه دێ مه‌حمه‌داوى ژ هه‌مى ئامرازێن پێدڤى بۆ نه‌خشه‌دانان و بجهـئینانا هێرشێن تیرۆرستى بێ به‌هر كه‌ت.
وه‌زاره‌تا ده‌رڤه یا ئه‌مریكا ئاشكرا ژى كر، ده‌ست دێ ب سه‌ر هه‌موو مال و سامانێ وى د ناڤ ئه‌مریكا دا هێته‌گرتن و سه‌رده‌رییا ئه‌مریكییان ژى دگه‌ل وى قه‌ده‌غه‌یه.
