گهۆرێن د پۆستێن رێڤهبهریا ناوچهدارییا باتیفا و دهڤهردارێ زاخۆ دا هاتنه كرن. (دلشێر عهبدولستار) رێڤهبهرێ ناوچهدارییا باتیفا دێ بیته دهڤهردارێ زاخۆ.
نزار مهجید پهیامنێرێ خانی نیوز ل باتیفا راگههاند، ئهڤ گهۆرینه هاتییه پشت راستكرن و دلشێر عهبدولستارى ئهڤرۆ خاترا خۆ ژ خهلكێ دهڤهرا باتیفا خواستییه.
(دلشێر عهبدولستار) دهڤهردارێ نوو یێ زاخۆ تایبەت بۆ خانی نیوز دا زانین: (بۆتان محسن) دهڤهردارێ پێشتر یێ زاخۆ هاتە خانەنشینکرن و نوكه ئهو ب وهكالهت ل جهێ وى دهست بكاربوویه.
ناڤهاتى گۆت ژى: رائید (نههشهت سهلمان) كو پێشتر رێڤهبهرێ پۆلیسێن باتیفا بوویه، دێ ب وهكالهت ل جهێ وى وهكو رێڤهبهرێ ناوچهدارییا باتیفا دهست بكاربیت.
گهۆرینێن كارگێرێ ل سنورێ پارێزگهها دهۆكێ ئێك ژ بهرنامهیێ پارتى یا دیموكراتا كوردستانێ بوویه وپێشتر ژى گهۆرین د پۆستیێن هژمارهكا رێڤهبهرێن دى یێن دهۆكێ دا هاتییه كرن وهكو رێڤهبهرییا گشتییا ساخلهمییا دهۆكێ و رێڤهبهرییا رهوشهنبیرییا دهۆكێ و …هتد
خانى نیوز، نزار مهجید
