ڤاکسینێ دژی کۆرۆنایێ گەھشتە تورکیا وەزیرێ ساخله‌مییا تورکیا ئێکەم کەس بوو ئەو ڤاکسینە بکارئینا.
فەخرەدین کۆجا وەزیرێ تەندروستییا تورکیا ل بەر چاڤکێن کامیرا و ب شێوەیەکێ دیار ڤاکسین بکارئینا و داخاز ژ وەلاتیێن تورکیا کر ڤاکسینی بکاربینن، چونکە ئەو ڤاکسینێ وان ئینایە تورکیا بەرھەمێ کۆمپانیێن چینی یە و چ کێشەیێن ساخلەمیێ نینن.
فەخرەدین کۆجا گۆت، ڤاکسینێ کۆرۆنا ب شێوەیەکی دادپەروەرانە دێ ب سەر وەلاتیێن تورکیا دا دابەش کەین و دەسپێکێ کارمەندێن ساخلەمیێ دێ مفای ژێ وەرگرن.
ژلایێ خۆڤە رەجەب تەییب ئەردۆگان سەرۆک کۆمارێ تورکیا، داخاز ژ خەلکی کر ڤاکسینی بکاربینن و راگەھاند: حەفتییا بھێت دێ ڤاکسینی ب سەر وەلاتییان دابەش کەن.
