یانا دھۆک یا وەرزشی راگەھاند، کارگێریا تیمێ ل سەر دەست ژ کارکێشانا سلێمان رەمەزان، راھێنەرێ تیما تەپاپێ یا وێ یانێ رازیبوو.
پشتی ب داوی ھاتنا یاریا تیما تەپاپێ یا یانا دھۆک د گەل یان زاخۆ، راھێنەرێ تیما دھۆکێ سلێمان رەمەزان دەست ژ کارکێشانا خوە پێشکێشی کارگێریا یانێ کر، ئەوان ژی ژلایێ کارگێریێ ڤە قەبوولکریە و ل جھێ وی ئاشتی مستەفا ھاتە دانان بۆ یاریێن مایی ژ خولا پلا نایابا کوردستانێ و ڤاڤارتنێن خولا عیراقێ بۆ یانێن پلا ئێک.
کارگێریا یانا دھۆک سوپاسیا راھێنەر سلێمان رەمەزانی کر کو د دەمێ بووری دا ل گەل تیمێ ئەرکێ خوە بجھئینایە و ئاشکرا کر، ئھو گاڤ د ناڤەندێن وەرزشی دا ب تشتەکێ سروشتی دھێتە دیتن ھەروەسا داخوازیا سەرکەفتنێ بۆ وی خواست د کاروانێ وی یێ راھێنەریێ دا کو ئێک ژ راھێنەرێن بەرنیاسێن پارێزگەھێ و کوردستانێ یە.
خانی نیوز، سەعد عاسف
