رێکخستنا ناڤدەولەتی یا مافێن مرۆڤی ھیومن رایست ووچ راگەھاند، دەستھەلاتدارێن کۆمارا ئیسلامییا ئیرانێ ل سەر تەپەسەرکرنا گەلێ خوە بەردەوامن، ھەمان دەم دەزگەھێن ھەوالگێری و ئەمنی یێن وی وەلاتی ب ھەماھەنگییا دادگەھا ئیرانێ، ئۆپۆزسیۆنێ و خوەنیشاندەران تەپەسەر دکەن، ئەو یەک ژی ب رازیبوونا عەلی خامنەیی، رێبەرێ مەزنێ شۆرشا ئیسلامی دھێتە کرن.
ھیومن رایست ووچ راپۆرتا سالا ٢٠٢١ێ ل دۆر رەوشا مافێ مرۆڤی بەلاڤ کرییە و تێدا ئاشکرا کرییە، عەلی خامنەیی، رێبەرێ مەزنێ شۆرشا ئیسلامی رۆناھیا کەسک بۆ تەپەسەرکرنا گەلێ خوە ھەلکرییە، دەستھلاتدارێن وی وەلاتی ژی ھێزا توند و کوژەک ل دژی خوەنیشاندەران بکاردئینن، ھەمان دەم حەسەن رۆحانی، سەرۆککۆمارێ ئیرانێ و ئیدارا وی چو رێکار بۆ راگرتنا وان بنپێکارییێن مرۆڤاتی یێن ب ترس نەگرتینە بەر.
