ده‌رونناسان خویا كرییه، زارۆكێن ژ ئالیێ ده‌رونی ڤه د ساخله‌م و گه‌شه و په‌روه‌رده‌یا وان سه‌ركه‌فتی بیت، پشكه‌كا مه‌زنا كهساتییا وان د وی ژیی دا دروست دبیت.
ده‌رونناسان ل گۆر ڤه‌كۆلینان دیار كرییه، ئه‌و زاروكێ ژ ئالیێ ده‌رونیڤه ساخله‌م وتایبه‌تمه‌ندىیا خوه هه‌ى، ئه‌ون یێن هیڤى و ئومێد ب ژیانێ هه‌ین و هه‌موو ده‌ما د كه‌یف خۆش و به‌خته‌وه‌رن و بزاڤان ژ بۆ گه‌هشتن ب ئارمانجێن خوه دكه‌ن، زاروكێ ساخله‌م خۆ و خه‌لكی ژی خۆش دڤێت، پتر حه‌ش كارو یاریان دكه‌ت دگه‌ل كه‌سێن دى ئه‌نجام بده‌ت. حه‌ژ تنێ بونێ ناكه‌ت.
ئێك ژتایبه‌تمه‌ندیێن دى یێن زارۆكێ ساخله‌م ژ ده‌رونی ڤه، كه‌سه‌كێ خوه‌په‌رسته، هه‌روه‌سا باوه‌ریه‌كا ته‌مام ب شیانێن خوه هه‌یه و كاران ب نیڤبه‌رو ناهێلیت و ژ شكه‌ستنێ ناترسیت.
هه‌روه‌سا ئه‌ركێ ب زه‌حمه‌ت یێ په‌روه‌رده‌كرنه‌كا سه‌ركه‌فتی ژی د ستۆیێ دایك و بابان دایه، ژ به‌ركو ئەو ب ره‌فتارێن خوه یێن دروست و خه‌له‌ت، بنیاتێ په‌روه‌رده و كهساتییا زارۆكی ئاڤا دكه‌ن.
