لیژنا پلاندانانا ستراتیژى و پێداچوونا پهرلهمانێ ئیراقێ بۆ كارێ حكومهتێ راگههاند، حكومهتا ئیراقێ كارهساتا ئابوورى بۆ كهرتێ تایبهت دروستكرییه.
محهمهد ئهلبهلداوى، جێگرێ سهرۆكێ لیژنا پلاندانانا ستراتیژى و پێداچوونێ بۆ بهرنامێ كارێ حكومهتێ ل پهرلهمانێ ئیراقێ راگههاند: حكومهتا ئیراقێ و وهزیرێ دارایى كارهساتهكا ئابوورى یا مهزن بۆ كهرتێ تایبهت دروست كرییه، ب شێوهیهكى كو زێدهتر ژ 25%ێ پارێ ناڤخۆیێ ئیراقێ ب ئهگهرێ داشكاندنێ و ژ دهستدانا بهایێ دینارى بهرامبهرى دۆلارى، دیاركرییه ژى كو ئهڤا حكومهتا ئیراقێ كرى چ پلان بۆ نههاتبوونه دانان.
ئهلبهلداوى بهحس ل وێ چهندێ ژى كر كو ههتا نها زێدهتر ژ حهفت هزار پرۆژان ههنه، ئهوان ژى سهرهدهرى ل سهر بهایێ دۆلارى بهرى نوكه دكر كو 100 دۆلار بهرامبهرى 120 هزار دیناران بوو.
ئهلبهلداوى دووپاتكر، بلندبوونا دۆلارى ب تنێ مفا دێ بۆ بودجهیى بیت، بهلێ خزمهتا كهرتێ تایبهت ناكهت، ب تایبهت ژى كو گرێبهست دگهل كۆمپانیێن بهلێندهران ل سهر بهایێ بهرى نوكه یێ دۆلارى هاتینه ئیمزاكرن، گۆتى ژى، دبیت درێژكرنا گرێبهستێ بۆ وان كۆمپانییان ههبیت بۆ هندێ پارێ گشتى ب ههروه نههێته دان و كۆمپانى ژى ژ تهمامكرنا پرۆژێن خۆ رانهوهستن.
