ل گوره‌ى نووترین پێشبینییێن رێكخستنا ئۆپێك، ل سالا نوو داخوازى دێ ل سه‌ر په‌ترۆلا خاڤ زێده‌بیت.
رێكخسنا ئۆپێك پیشبینى دكه‌ت ل سالا نوو داخوازى بۆ بكارئینانا په‌ترۆلا خاڤ ژ 5 ملیۆن و 900 هزار به‌رمیلێن رۆژانه بۆ 95 ملیۆن و 900 هزار به‌رمیلان بلندبیت.
سه‌ره‌راى وێ یه‌كێ ژى شرۆڤه‌كارێن په‌ترۆلێ دلگرانى ژ به‌لاڤبوونا پێلا دویێ یا ڤایرۆسێ كۆرۆنایێ ل ئه‌ورۆپا و ئه‌مریكا هه‌یه كو ئه‌و یه‌ك دشێت داخوازیێ ل سه‌ر په‌ترۆلا خاڤ كێم بكه‌ت.
دانیال یارگین، شرۆڤه‌كارێ كۆمپانییا ئاى ئێچ ئێس ماركێت راگه‌هاند، ئه‌گه‌ر ڤاكسینێ كۆرۆنایێ كارتێكرن نه‌بیت، دوباره داخوازى ل سه‌ر په‌ترۆلا خاڤ دێ كێم بیت.
دیار ژى كر، ب شێوه‌كێ گشتى بهایێ په‌ترۆلێ د بلندبوونێ دایه ب تایبه‌تى ئه‌گه‌ر ئه‌ندامێن رێكخستنا ئۆپێك پله‌س پابه‌ندى بجهئینانا رێكه‌فتنا خۆه بن.
حه‌فتییا بوورى بهایێ په‌ترۆلا برێنت ژ 57 دۆلاران بو 55 دولاران داكه‌فت بوو.
