رێکخراوا داک بۆ گەشەپێدانا ژنا ئێزیدی، کۆنفرانسەکێ تایبەت ل دۆر خوە کوشتنا کچ و ژنێن ئێزیدی ل دو ھەفتیێن بھێت سازکەت ومیرێ ئێزدیدیان و ئالیێن پەیوەندیدار ژی دێ پشکدار بن.
سوزان سەفەر، سەرۆکا رێکخراوا داک بۆ خانی نیوز گۆت: وان وەک ئەرک دیتییە کۆنفرانسەکێ ل سەر خوە کوشتنا کچ و ژنێن ئێزیدی سازبکەت، میرێ ئێزیدییان و جڤاتا رۆحانی، ئالیێن پەیوەندیدار یێن حکومەتێ و رێکخستنێن ناڤدەولەتی و ناڤخۆ داخوازی کۆنفرانسی بکەت و دێ گۆتوبێژان ل سەر ئەگەرێن خوە کوشتنێ کەن و ئێخن بەردەستێ وان و پاشان ھەژمارەکا داخوازییان ژ وان کەن کو ببن کارتا فشارێ ل سەر ئامادەبوویان و ببت چارەیەک ژ بۆ رەوشێ و ھاریکارییا کچ و ژنان بھێت کرن.
سوزان سەفەر ل دۆر ئەگەرێن خوەکوشتنا وان کچان ژی دیارکر، ئەگەرێ سەرەکی ئاوارەیی و قەیرانا دارایی یە و ژ بەر کو رێکخستنێن مرۆڤی خوە ڤەکێشاینە ژ کەمپان و پرۆژەیێن خوە کێمکرینە، ھەروەسا سەنتەرێن چارەسەرییا دەرونی و خوەژبیرڤەکرنا گەنجان د ناڤا کەمپان دا دکێمن و ئەڤجا ئەو کچ و ژن دێ بەرەڤ ئالیێن حەژێکرنێ ڤە چن دا کو خوەشییەکێ بخوە چێبکەن و ھەژمارەکا ژ وان دێ توشی گەفان بن ژ بەر وێ یەکێ ژی ھزر د خوەکوشتنێ دا دکەن.
سەرۆکا رێکخراوا داک دوپات ژی کر، ئامادەبوونا میرێ ئێزیدییان د کۆنفرانسی دا گرنگییەکا تایبەت ھەیە ژ بەر کو ئەو د کارت ھاریکارییا وان کچ و ژنان بکەت و داخوازا ھاریکاریێ ژ رێکخستنێن مرۆڤی و وەلاتان بکەت.
