رێڤهبهریا كهشناسى و بیڤهلهرزان ل ههرێما كوردستانێ راگههاند، ههرێما كوردستانێ دێ كهڤیته ژێر كاریگهرییا شهپۆلهكا باران بارین و بهفر بارینێ و ل رۆژا پێنجشهمبیا داهاتى پلێن گهرمێ دێ نزم بن و گههیته پلا ژێر سفر سیلیزى، ئهو ژى ژ ئهنجامێ ئێكگرتنا ههردوو نزمه فشارێن دهریایا ناڤهراست و نزمه فشارا توركیا، ئهڤرۆ ژى ل دهمێ ئێڤارى باران ل هندهك دهڤهران ب رێژهیێن جودا جودا دێ دهستپێكهت.
ئاماژه ب هندێ ژى كرییه، كو ئهڤ شهڤه ئێكشهمبى درهنگ دێ ئاستێ بارانبارینێ زێدهبیت، رۆژانێن دوشهمبى و سێشهمبى و چوارشهمبى دهڤهر ههموو دێ كهڤیته ژێر كاریگهرییا ئهڤێ شهپۆلێ، و دگهل هاتنا ئهڤێ شهپۆلێ فشارا بایهكێ سار یێ جهمسهرى دێ دهڤهرێ ڤهگریت و زۆربهیا دهڤهرێن چیایى دێ بهفر باریت و دێ سهنتهرێ قهزا و ناحی و سهنتهرێن پارێزگهها سلێمانیێ و ههلهبجه و دهوكێ ژى ڤهگریت.
و پێشبینى دهێته كرن كو ل سهنتهرێ پارێزگهها ههڤلێرێ 15 ملیم و ل سهنتهرێ پارێزگهها سلێمانیێ زێدهتر ژ 20 ملیم و ل سهنتهرێ پارێزگهها دهوكێ زێدهتر ژ 25 ملیم و سهنتهرێ پارێزگهها ههلهبجه ژى زێدهتر 20 ملیم و ل سهنتهرێ پارێزگهها كهركوكێ زێدهتر ژ 10 ملیمان باران ب باریت.
