کۆمەلگەھا قەدشێ یا سەر ب ناوچهدارییا سەرسنکی ڤە کو ب جھەکێ چایێ دھێتە نیاسن ساڵانە بەفر و بارانەکا زۆر لێ دباریتن و دبیتە ئەگەرێ درۆستبوونا لەھییان، لەورا ھەر ژنوکەڤه سەرۆکاتیا باژێرڤانییا قەدشێ دەست ب ئامادەکارییان کرینە و چەندین جەـ پاقژکرینە داکو ژ لەھییان بھێنە پاراستن.
رێڤینگ عادل سەرۆکێ باژێرڤانیا ناڤھاتی بۆ خانی نیۆز گۆت: مە دەست ب پاقژکرنا ھندەک جھان کرینە کۆ ساڵانە دبنە ئەگەرێ دروستبوونا لەھییان و زەر و زیانێن مەزن ب خەلکی دکەڤن، وهكو هندهك جهێن ناڤا بازاری و بیستانێ ئینشکێ و تاخێ قەدشا کەڤن و ھەر وەسا ژی ل گوندێ بەرێ کەر.
سەرۆکێ باژێرڤانیا قهدشێ گۆت ژى: ڤەکرن و پاقژکرنا ڤان جھان دەمێ بارینا بارانەکا زۆر نەخاسمە دەمێ چار دەمژمێران دا دھێتن دێ رێگریێ ژ دروستبوونا لەھییان گریتن و رویدانێن مەزن دروست نابن.
ناڤهاتى دیار کر ژى: پار سال نێزیکی دەهـ رویدانێن لەھییان ل سنوورێ باژێرڤانیێ دروست ببوون و ئاڤ چووبوو د ناڤ خانیێن خهلكى و زیانەکا مەزن ب خهلكى كهفتبوو. پشتی ئەو زیان ڤێکەفتی ژلایێ حکومەتا ھەرێما کودستانێ ڤە ھاتبوونه قەرەبووکرن.
خانی نێوز، سامی رێکانی
