ئەمینداری گشتی یێ نەتەوەیێن ئێكگرتى داخواز كرڤاكسینێ چاره‌سه‌ریا كۆرۆنایێ ب وه‌كهه‌ڤى بهێته به‌لاڤكرن.
ئەنتۆنیۆ گۆتیرێز، د په‌یامه‌كا ڤیدیۆیى دا داخوازێ ژ حكومه‌تێن وه‌لاتان دكه‌ت د ڤێ ره‌وشێ دا بەرپرسیارییەتیا مه‌زن به‌رامبه‌ر گەلان وه‌رگرن و ڤاكسینێ كۆرۆنایێ ب شێوەیەكێ وه‌كهه‌ڤ ب سەر وه‌لاتیان دا به‌لاڤ بكه‌ن.
گۆتیرێز ژ وێ یه‌كێ دلگران بوو كو ڤاكسینێ كۆرۆنایێ ب شێوه‌كێ بله‌ز دگه‌هیته وه‌لاتێن ده‌وله‌مه‌ند و پشكه‌ك ژ وه‌لاتێن هەژار تا نها ڤاكسین نه‌گه‌هشتیێ.
گۆتیرێزى پشته‌ڤانیا خوه بۆ بەرنامێ كۆفاكس دەربری، یێ ژلایێ رێكخستنا نەتەوه‌یێن ئێكگرتى هاتیه دانان بۆ كڕین و به‌لاڤكرنا ڤاكسینێ ب سەر وه‌لاتێن جیهانێ دا، داخواز ژى ژ وه‌لاتان كر پشته‌ڤانیه‌كا مه‌زن بۆ وى به‌رنامه‌ى بهێته‌كرن.
