كۆمسیۆنا بلند یا هه‌لبژارتنان و هه‌رسێ سه‌رۆكا‌تیێن ئیراقێ دێ كۆمبن و دێ بریارا دووماهییێ ده‌رباره‌ى ده‌مێ هه‌لبژارتنێن پێشوه‌خت ده‌ن.
كۆمسیۆنا بلند یا سه‌ربه‌خۆیا هه‌لبژارتنێن ئیراقێ، پێشنیار كرییه ده‌مێ ئه‌نجامدانا هه‌لبژارتنێن پێشوه‌خت یێن جڤاتا نوونه‌ران، كو بریار بوو ل 6 خزیرانا ئه‌ڤ ساله بهێنه كرن، بۆ 16 چریا ئێكێ یا ئه‌ڤ ساله بهێته پاشخستن.
بریاره ئه‌ڤرۆ دوشه‌مبى، سه‌رۆككۆمار، سه‌رۆكێ جڤاتا وه‌زیران، سه‌رۆكێ جڤاتا نوونه‌ران ل گه‌ل كۆمسیۆنا بلند یا هه‌لبژارتنێن ئیراقێ، ده‌رباره‌ى ئه‌نجامدانا هه‌لبژارتنێن پێشوه‌خت د ده‌مێ خوه دا یان بهێنه پاشخستن كۆمببن و بریارا دووماهیێ و ئێكلاكه‌ر ده‌رباره‌ى وی بابه‌تی بده‌ن.
