د چارچۆڤێ پلانێن حکومەتا ھەرێما کوردستانێ ئەڤرۆ رۆژا دووشەمبی رێکەفتی ١٨/١/٢٠٢١ (د.عەلی تەتەر) پارێزگارێ دھۆکێ، سەرپەرشتییا کۆمبوونەکا تایبەت ل دۆر چارەکرنا ئاریشویاا گەنمێ جۆتیارێن پارێزگەھا دھۆکێ کر، د کۆمبوونێ دا ب بەرھەڤبوونا رێڤەبەرێ گشتیێ یێ چاندنێ ل پارێزگەھا دھۆکێ و رێڤەبەرێ سایلۆیا وەرگرتنا گەنمی ل دھۆکێ و ھەردوو کۆمپانیێن (خۆشناو و قەیوان) ل دووڤ گرێبەستا حکۆمەتا ھەرێما کوردستانێ کو دێ ب کارێ وەرگرتنا گەنمێ جۆتیاران رابن.
ژلایێ خۆڤە پارێزگارێ دھۆکێ دا دیارکرن ل کارگێرییا پارێزگەھێ دێ ھەمی ئاسانکارییان ئەنجام دەن ژ بۆ کو لەز بھێتەکرن ئاریشا وەرگرتنا گەنمێ جۆتیاران چارە ببیت و جھێ پێدڤی بۆ سایلۆیان و کارگەھێن پێدڤی ژى بۆو ھێرانا گەنمی و درۆستکرنا ساڤاری بھێنە درۆستکرن.
ھەردوو کۆمپانیێن جێبەجێكار سۆز دا کو ھەمی شییانێن خۆ ب مەزێخن پێش وەرزێ درۆینێ و یا پێدڤی بھێتە ئەنجامدان و ئەڤ ئاریشه چارەسەر ببیت.
