دەزگه‌هێ گشتى یێ كاروبارێن مین و ته‌قه‌مه‌نییان ل هەرێما کوردستانێ راگەهاند؛ ل سالا 2020 ێ 10 وه‌لاتىیان ژ ئه‌گه‌رێ په‌قینا مینان ل هەرێما کوردستانێ گیانێ خوه ژ ده‌ستدان و ٨ یێن دی ژی بریندار بوینه.
جەبار مستەفا رەسوول، سه‌رۆكێ ده‌زگه‌هێ مین و ته‌قه‌مه‌نییان د پرێسكۆنفرانسه‌كی دا راگه‌هاند؛ ل سالا 202 دا ب گشتى 360 هزار و 696 مەتر دووجا یێن ئه‌ردێ كوردستانێ ژ مینان پاقژكرینه و هزار و 172 مین ژناڤبرینه کو هزار و 151 دژى کەسی بوون و 21 دژى تانکان بوون، هەروەسا 7 هزار و 300 پارچە تەقەمەنی و 17 کەرەستێن تەقەمەنییان ژناڤبرن.
جه‌بار مسته‌فا خویا ژى كر، ل سالا 1991 تا نها 13 هزار و 500 وه‌لاتى ل کوردستانێ بووینه قوربانى یێن مینان.
ل گۆر داتایێن حکوومەتا ئیراقێ، 770 کلیۆمەترێن چوارگۆشە یێن ئه‌ردى مین تێدابون و نها 260 کیلۆمەترێن چوارگۆشە یێن ئه‌ردى ل کوردستانێ مین تێدا ماینه، لێ قەیرانا دارایی کارتێكرن کریه سەر چالاکیێن پاقژكرنا ئه‌ردى ژ مینان.
