وەزیرێ بەرگرییا تورکیا شڤێدی گەھشتە ھەولێرێ و دێ د گەل بەرپرسێن مەزنێن ھەرێما کوردستانێ کۆم بیت.
خلۆسی ئاکار، وەزیرێ بەرگرییا تورکیا شڤێدی ژ بەغدا گەھشتە ھەولێرێ و ژ ئالیێ شۆرش ئسماعیل، وەزیرێ پێشمەرگەی و فەوزی حەریری، سەرۆکێ دیوانا سەرۆکاتییا ھەریمێ و سەفین دزەیی، بەرپریێ فەرمانگەھا پەیوەندیێن دەرڤە یێن حکومەتا ھەرێمێ و جەمال ئێمینکی، سوپاسالارێ پێشمەرگەی پێشوازی لێ ھات کرن.
ل گۆرەی ئەجیندایێن سەرەدانا ئاکاری، ئەڤرۆ رۆژا سێشەمبی دێ د گەل نیچیرڤان بارزانی، سەرۆکێ ھەرێما کوردستانێ و مەسروور بارزانی، سەرۆکێ حکومەتا ھەرێمێ و چەندین بەرپرسێن دی کۆم بیت.
ل گۆرەی ئاگاھییان، خلۆسی ئاکار دێ پرسێن ئێمناھیێ ل دەڤەرێن سنۆری د ناڤبەرا ھەرێمێ و تورکیا دا و ب تایبەت پرسا ھەبوونا گەریلایێن پەکەکێ د گەل بەرپرسێن ھەرێمێ گۆتوبێژ کەت.
وەزیرێ بەرگرییا تورکیا دوھی ل بەغدا د گەل بەرپرسێن مەزنێن ئیراقێ کۆم ببوو، ل گۆرەی ئاگاھیێن ئۆفیسا سەرۆککۆمارێ ئیراقێ ژی، د کۆمبوونێن وان دا بەحس ل سەروەری و ئێکپارچەیا ئاخا ئیراقێ ھات کرن، مستەفا کازمی، سەرۆکوەزیرێن ئیراقێ ژی بۆ وەزیرێ بەرگرییا تورکیا ئاشکرا کر بوو، ئیراق دشێت داویێ ب گەفێن سەر تورکیا بینیت و گۆت بوو، ئەو رێ نادەن ئاخا ئیراقێ وەکو گەف ل سەر تورکیا بھێت بکارئینان، ئەو دشێن ژی سوپایێ ئیراقێ ل ھەر جھەکێ بڤێت جێگیر بکەن.
وەزیرێ بەرگرییا تورکیا دێ د گەل بەرپرسێن مەزنێن ھەرێمێ کۆم بیت
