دژوارترین بێلا بەفر و بارۆڤێ ل شەڤا بووری بوو ل دەڤەا بەرواری بالا و د 24 سەعەتێن بووری دا ل سەنتەرێ ناحیا کانی ماسێ 22 سەنتینەترێن بەفرێ و 43 ملیمێن بارانێ و ل دەریێ سنۆریی سەرزێری ژی 30 سەنتیمەترێن بەفرێ بارینە.
عەبدولعەزیز محەمەد تاھر، بەرپرسێ ھۆبا چاندنێ ل کانی ماسێ بۆ خانی نیوز گۆت: پێلا بەفر و بارۆڤێ یا ل شەڤا بووری ب سەر کانی ماسێ دا گرتی، دژوارترین پێل بوو ل ئەڤسالە، ب وێ یەکێ رێژا بارینێ ل ئەڤسالە گەھەشتە 333 ملیمێن بارانێ. شینوار بناڤی، بەرپرسێ راگەھاندنا دەریێ سنۆریێ سەرزێری ژی گۆت: ل شەڤا بووری 30 سەنتیمەتر بەفر بارینە و د پێلا دوماھیێ دا 95 سەنتیمەتر بەفر باریە، تا نھا ژی رێکا سەرزێری نەھاتیە ڤەکرن.
ژ ئالیەکێ دی ڤە رێڤەبەرێ ناحیا کانی ماسێ ئاشکرا کر، ھەر ژ سەعەت 7ی سپێدێ تیمێن مالینا بەفرێ دەست بکارێ خوە کریە، لێ ژبەر گرانیا بەفرێ دبیت ھێشتا نەگەھشبن سەرزێری، لێ ب زویترین دەم دێ پترییا رێکێن دەڤەرێ ھێنە ڤەکرن.
