میدیایێن ئەمریکی دا‌نە دیار کرن: ئەڤرۆ چارشەمبی، ل گەل دەست ب کاربوونا سەرۆکێ ٤٦ یێ ئەمریکا، دێ ١٧ بریارێن نوو دەرکەت.
ھەروەسا دبێژن ژی: ئەو بریارێن نوو یێن کو دێ ژ سەرۆکاتییا ئەمریکا ھێنە دەرکرن، ژ بۆ ھەلوەشاندنا وان بریارێن بەری نوکەنە یێن کو ل سەر دەمێ دۆنالد ترەمپی ھاتینە دەرکرن، ئیک ژ وان بریاران ژی، ھەلوەشاندنا قەدەغەکرنا خەلکێ وەلاتێن ئیسلامینە بۆ ئەمریکا.
دیسان بایدن، دێ دروستکرنا وی دیوارێ سنوری یێ ل گەل وەلاتی مەکسیک راوەستینیت و دێ ئەمریکا زڤرینیتەڤە بۆ ناڤ رێککەفتنا پاریسێ بۆ ژینگەھێ، ھەروەسا دێ بریارا ڤەکێشانا ئەمریکا ژ رێکخستنا ساخلەمییا جیھانی ژی ھەلوەشینیت، کو ل سەر دەمێ کۆرۆنایێ ترامپی بریار دابوو، خوە ژ وێ ریکخستنیێ ڤەکیشیت.
