سەرۆک بارزانی د پەیامەکێ دا ب تووندی ئیدانا پەقینێن ئەڤرۆ یێن بەغدایێ دکەت و دبێژیت: بۆ ژناڤبرنا تیرۆرێ، ھەماھەنگییا بەردەوام یا ھەموو لایەنان یا پێدڤییە.
د پەیامەکێدا، سەرۆک بارزانی دبێژیت: ب مخابنی ڤە ئەڤرۆ پێنجشەمبی ٢١ کانوونا دووێ ٢٠٢١ێ ژ ئەنجامێ دوو کریارێن تیرۆرستی ل باژێرێ بەغدایێ ھژمارەکا زۆر یا وەلاتیێن بێ تاوان شەھید و بریندار بوون، سەرەخۆشیێ ل خێزانێن شەھید و قوربانیێن وێ روودانێ دکەم و ھیڤیا چاکبوونێ بۆ برینداران دخوازم.
سەبارەت تیرۆرێ ژی، سەرۆک بارزانی راگەھاند: تیرۆر دژی ژیان و ئارامیێ یە و دوژمنێ ھەڤپشکێ ھەموو لایەنانە، بۆ ژناڤبرنا تیرۆرێ ژی ھەماھەنگییا ھەموو لایەنان یا پێدڤییە، ھیڤیدارم ھەموو لایەنێن پەیوەندیدار ب زووترین دەم ئەوێن ل پشت ڤێ تاوانێ بگەھینن سزایێن خۆ.
