نێچیرڤان بارزانی ل سالیادا ڕاپەرینا ڕانیا: ڕاپەرین پێنگاڤەك بوو بەرەڤ ئازادی و سەرفرازیێ

نێچیرڤان بارزانی، سەرۆكێ هەرێما كوردستانێ ل سالیادا ڕاپەرینا ڕانیا پەیامەك ڕاگەهاند، ئەڤرۆ ب سەربلندی ڤە ئەم یادا 35 سالیا ڕاپەرینا مەزنا ئادارا 1991ێ پیرۆزدكەین. ب ڤێ هەلکەفتێ پیرۆزباهییەکا گەرم ل خێزانێن سەربلندێن شەهیدان، پێشمەرگەیێن قارەمان و هەموو کوردستانییان ل ناڤخۆ و دەرڤەی وڵاتی دکەم. سلاڤ بۆ گیانێ پاقژێ شەهیدێن ڕاپەرینێ و هەموو شەهیدێن کوردستانێ دهنێرم.
ڕاپەرین وەرچەرخانەکا مێژوویی و بەرسڤەکا ئێکلاکەر بوو یا گەلێ کوردستانێ د ڕەتدکرنا زورداریێدا و پێنگاڤەك بوو بەرەڤ ئازادی و سەرفرازیێ. ئەڤ یادا پیرۆز د دەمەکێدایە کو دەڤەر د ڕەوشەكا ئالۆز و هەستیاردا دەرباز دبیت. زێدەبوونا ئالۆزی و ئەنجامێن نەرێنی یێن ململانێیان، بەرپرسیارەتیەکا مەزن دکەنە سەر ملێن مە هەمیان بۆ پاراستنا ئارامی و سەقامگیریا هەرێما کوردستانێ.
د ڤێ بیرەوەرییێدا دووپات دکەین کو هەرێما کوردستانێ وەكو هەر دەم دێ فاکتەرەکێ سەرەکی یێ ئارامی و ئاشتیێ بیت و نابیتە پشکەك ژ ململانێ و گەشەپێدانێن سەربازی کو زیانێ ب ژیان و ئاسایشا هاولاتییێن مە بگەهینن. پاراستنا قەوارەیێ هەرێما کوردستانێ و دەستکەفتێن مە یێن دەستووری، بتنێ ب ئێکڕیزی، تەبایی و بەرپرسیارەتیا هەڤپشك یا نیشتمانی یا هەموو هێز و لایەنێن سیاسی و پێکهاتەیێن کوردستانێ دبیت.
بلا ئەڤ بیررەوەریە ببیتە پالدەر بۆ مە دا کو ئەم ل سەر ئاستەنگان زال ببین و کولتوورێ پێکڤەژیانێ و لێبۆرینێ کوورتر بکەین. وەفاداری بۆ خوینا شەهیدان ئەوە کو ئەم پێکڤە و دەست د دەستێ ئێکدا، کار بکەین بۆ پاراستنا سەقامگیریێ و ئاڤاکرنا پاشەڕۆژەکا باشتر بۆ نەتەوەیێن مە یێن پاشەرۆژێ.
سلاڤ ل بیرەوەرییا ڕاپەرینێ، ئارامی و سەقامگیری بۆ کوردستانێ.
نێچیرڤان بارزانی سەرۆکێ هەرێما کوردستانێ
5/3/1991