ئەمریکا پرۆگرامێ دانا مافێ پەنابەریێ بۆ وان ئیراقیێن هاریكاریا سوپایێ وهلاتێ وان كرین دێ راگریت.
وەزارەتا دەرڤهى ئهمریكا راگەهاند، پرۆگرامێ دانا مافێ پەنابەریێ بۆ وان ئیراقیێن هاریكاریا سوپایێ وهلاتێ وان كرین دێ بۆ دهمێ 90 رۆژان راگرن، ئەو بریار ژى پشتى ئاشكرابوونا بزاڤێن دزینا فایلێ پەنابەران ب رێكا ئنتهرنێتێ هات دان.
بەرنامێ تایبەتێ ب پەنابەرێن ئیراقی ڤه دهمێ سالێن سەرۆکایەتیا جۆرج دەبلیو بۆش هاتبوو دانان، وهكو پاداشتهك بۆ وان ئیراقیێن ل دهمێ شهری وەک رێبەر یان وەرگێر دگهل سوپایێ ئەمریکا کار کرى، ژبهركو گهف ل سهر ژیانا وان ههبوو، ژبهر وێ یهكێ ژى ب دەهان هزار ئیراقییان داخوازی ب رێكا وى پروگرامى پێشكێشكرینه.
